ປກສ ນະຄອນຫລວງ​​​​ກຽມພ້ອມຮັກສາ​ຄວາມ​ສະຫງົບ​ງານ​ບຸນປີ​ໃໝ່ສາກົນ ​ປະຈໍາປີ 2015

ປກສ ນະຄອນຫລວງ​ວຽງ​ຈັນ ​ກຽມ​ຄວາມ​ພ້ອມ​ໃນ​ການ​ປ້ອງ​ກັນ ​ງານ​ບຸນປີ​ໃໝ່ສາກົນ ປະຈຳ​ປີ 2015 ​ທີ່ ນະຄອນຫລວງ​ວຽງ​ຈັນ ​ໂດຍ​ເອົາ​ໃຈ​ໃສ່
6 ໜ້າວຽກຫລັກ​ຄື:  ​ສຸມ​ໃສ່​ວຽກງານ​ໂຄສະນາ ແລະ ສຶກສາ​ອົບຮົມ​, ວຽກງານ​ຈັດ​ສັນ​ຄວາມ​ເປັນ​ລະບຽບຮຽບຮ້ອຍ, ວຽກງານ​ຈະລາຈອນ ​ແລະ
ປະຈຳ​ປ້ອມ, ວຽກງານ​ຄຸ້ມ​ຄອງ​ພາຫະນະ ​ແລະ ການ​ຂັບ​ຂີ່, ວຽກງານ​ກວດກາ​ທາງ​ຫລວງ​ຄວາມ​ໄວ-ທາດ​ເຫລົ້າ ​ແລະ ວຽກງານ​ແກ້​ໄຂ​ຄະດີ​ອຸບັດ​ເຫດ​
ຕາມ​ທ້ອງ​ຖະໜົນຫລວງ.

ທ່ານ ພັທ ຢຸດ​ຕະພົງ ສຸວັນນະ​ສິງ ຮອງຫົວໜ້າ​ຫ້ອງຕຳຫລວດ​ຈະລາຈອນ​ ນະຄອນຫລວງ​ວຽງ​ຈັນ ໄດ້​ລາຍ​ງານ​ຕໍ່ກອງ​ປະຊຸມ​ກ່ຽວ​ກັບ​ການຈັ​ດ​ບັນຈຸ​
ກຳລັງ​ປ້ອງ​ກັນ​ ງານ​​ບຸນປີ​ໃໝ່ສາກົນ ປະຈຳ ປີ 2015 ໃນ​ວັນ​ທີ 18 ທັນວາ ປີ 2014 ນີ້ວ່າ: ​ເພື່ອ​ຮັບປະກັນ​ຄວາມ​ສະຫງົບ, ຄວາມ​ເປັນ​ລະບຽບ​ຮຽບ
ຮ້ອຍ ​ແລະ ຄວາມ​ປອດ​ໄພຮອບດ້ານ ໃຫ້​ແກ່ມວນ​ຊົນ, ນັກ​ທ່ອງ​ທ່ຽວທັງ​ພາຍ​ໃນ ​ແລະ ຕ່າງປະ​ເທດທີ່​ມາ​ທ່ຽວ​ ​ແລະ ສະ​ເຫລີ​ມສະຫລອງບຸນ​ປີ​ໃໝ່
ສາກົນ ​ໃຫ້​ມີ​ຄວາມ​ເບີກ​ບານ​ມ່ວນ​ຊື່ນ ທັງ​ມີຄວາມ​ສະຫງົບ-ປອດ​ໄພທາງ​ດ້ານ​ຊີວິດ ​ແລະ ຊັບ​ສິນ ເຊິ່ງນອກຈາກ 6 ໜ້າວຽກຫລັກ​ແລ້ວ ປກສ
ນະຄອນຫລວງຈະ​ໄດ້​ມີ​ການ​ໂຄສະນາແນະນຳ​ມວນ​ຊົນໃຫ້​ຮັບ​ຮູ້​ເຊື່ອມ​ຊຶມ​ເຂົ້າ​ໃຈ​ໃນຄວາມໝາຍ ຄວາມ​ສຳຄັນ​ງານ​ສົ່ງ​ທ້າຍ​ປີ​ເກົ່າ-​ຕ້ອນຮັບ​ປີໃໝ່ສາກົນ
ພ້ອມ​ທັງ​ໃຫ້​ທຸກ​ຄົນ​ມີ​ສະຕິ​ລະວັງ​ຕົວ​ຕໍ່ກົ​ນອຸບາຍ, ມ້າງ​ເພ​ທຳລາຍ​ຂອງ​ສັດຕູ ​ແລະ ກຸ່ມ​ຄົນ​ບໍດີ​ທີ່ອາດຈະເກີດຂຶ້ນໃນວັນດັ່ງກ່າວ, ​ເພີ່ມ​ທະວີ​ຄວາມ​ເປັນ
​ເຈົ້າ​ການ​ຂອງ​ກຳລັງ​ປ້ອງ​ກັນ​ຄວາມສະຫງົບ, ກຳລັງ​ກໍ່ສ້າງ​ຮາກຖານການເມືອງ ຕ້ອງ​ມີ​ການ​ເຄື່ອນ​ໄຫວ​ຢ່າງ​ແຂງ​ແຮງ​ທາງ​ດ້ານວິຊາ​ສະ​ເພາະ​ຂອງ​ຕົນ​ ສົມທົບ
​ແໜ້ນ ກັບ​ທຸກ​ພາກສ່ວນ ​ເຮັດໜ້າທີ່​ປ້ອງ​ກັນ​ທຸກພື້ນທີ່​ໃຫ້​ຮັບປະກັນ, ​ແຕ່​ລະ​ພາກສ່ວນ​ໄດ້​ເຮັດ​ວຽກງານ​ການ​ເມືອງ​ແນວ​ຄິດ​ໃຫ້​ແກ່​ພະນັກງານ-ນັກຮົບ​
ຂອງ​ຕົນ ​ເພື່ອ​ໃຫ້​​ເຂົາ​ເຈົ້າ​ຮັບ​ຮູ້​ເຂົ້າ​ໃຈຄວາມ​ຮັບ ຜິດຊອບ​ຕໍ່ໜ້າທີ່. ທັງ​ນີ້ ກໍ​ເພື່ອ​ຮັບປະກັນໃຫ້​ນະ​ຄອນ​ຫລວງ​ວຽງ​ຈັນ ມີ​ຄວາມ​ສະຫງົບ​ທາງ​ດ້ານ​ການເມືອງ,
ມີ​ຄວາມ​ເປັນ​ລະບຽບ​ຮຽບຮ້ອຍ​ທາງ​ດ້ານ​ສັງຄົມ, ບໍ່​ໃຫ້​ມີ​ເຫດການ​ທີ່​ຮ້າຍ​ແຮງ​ເກີດ​ຂຶ້ນຢ່າງ​ເດ​ັດຂາດ​ໂດຍ​ສະ​ເພາະ​ໃນ​ໄລຍະງານສະ​ເຫລີ​ມສະຫລອງ​​ບຸນ
ປີ​ໃໝ່ສາກົນ​ ປະຈຳປີ 2015 ນີ້.