ເລີ່ມສຳຫລວດ-ອອກແບບໂຄງການກໍ່ສ້າງທາງລົດໄຟຄວາມໄວສູງ ສະຫວັນນະເຂດ
-
ລາວບາວ


ໃນວັນທີ 12 ເດືອນກັນຍາ ປີ 2014 ນີ້ ຢູ່ໂຮງແຮມດອນຈັນພາເລດ, ນະຄອນຫລວງວຽງຈັນ ໄດ້ມີພິທີລົງນາມໃນບົດບັນ ທຶກຄວາມເຂົ້າໃຈກ່ຽວກັບການສຳຫລວດ-ອອກແບບໂຄງການກໍ່ສ້າງເສັ້ນທາງລົດໄຟຄວາມໄວສູງ ແຕ່ແຂວງສະຫວັນນະ
ເຂດ ລາວ-ລາວບາວ ຊາຍ ແດນຫວຽດນາມໄລຍະທາງ 220 ກິໂລແມັດ ລະຫວ່າງ ບໍລິສັດ ຈາຍແອນຄອນໂຊ ລີດາເຕັດ
ແລະບໍລິສັດດີຈີແມບ SDN BHD ປະເທດມາເລເຊຍ ເຊິ່ງພາຍຫຼັງທີ່ໄດ້ເຊັນສັນຍາແລ້ວບໍລິສັດດັ່ງກ່າວຈະເລີ່ມສຳຫຼວດ. ໃນພິທີດັ່ງກ່າວໂດຍການເຂົ້າຮ່ວມເປັນສັກຂີພິຍານຂອງທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ລັດຖະມົນ ຕີວ່າການກະຊວງສຶກສາທິການ ແລະ ກິລາແຫ່ງລາວ ແລະທ່ານ ທັນສຣິ ມູຢາດິນ ໂມຮາມັດ ຢັດຊິນ ຮອງນາຍົກລັດຖະ
ມົນຕີ, ລັດຖະມົນຕີວ່າການກະຊວງສຶກສາປະເທດມາເລເຊຍ ແລະພະນັກງານທີ່ກ່ຽວຂ້ອງຈຳນວນໜຶ່ງ. ໂຄງການກໍ່ສ້າງ ເສັ້ນທາງລົດໄຟຄວາມໄວສູງນີ້ແມ່ນໄດ້ມີການລົງນາມສັນຍາລະຫວ່າງ ລັດຖະບານແຫ່ງລາວແລະບໍລິສັດຈາຍແອນຄອນ
ໂຊລີດາເຕັດ ປະເທດ ມາເລເຊຍ ໃນໂອກາດກອງປະຊຸມ ອາເຊັມ 9 ເຊິ່ງຈັດຂຶ້ນ ໃນທ້າຍປີ 2012 ຜ່ານມາ ໂດຍການເຂົ້າ
ຮ່ວມເປັນສັກຂີພິຍານ ຂອງທ່ານ ທອງສິງ ທຳມະວົງ ນາຍົກລັດຖະມົນຕີ ລາວ ແລະ ທ່ານ ດາໂຕະ ສຣິໂມຮາມັດ ນາຈິບ
ບິນຕຸນ ອັບດຸນລາສັກ ນາຍົກລັດຖະມົນຕີແຫ່ງປະເທດມາເລເຊຍ. ໂຄງການດັ່ງກ່າວນີ້ ເມື່ອສ້າງສຳເລັດຈະຊ່ວຍໃຫ້ ລາວ ທີ່ເປັນປະເທດບໍ່ມີຊາຍແດນຕິດທະເລສາມາດອອກສູ່ທະເລ ໄດ້ໂດຍສະເພາະແມ່ນເຂົ້າສູ່ທ່າເຮືອນ້ຳເລິກມຸຍຕຸ້ຍທາງພາກ ເໜືອຂອງແຂວງດານັງ ສສ ຫວຽດນາມ ແລະ ຈະປະກອບສ່ວນສຳຄັນໃຫ້ແກ່ການຈັດຕັ້ງປະຕິບັດແຜນແມ່ບົດເຊື່ອມຈອດ ດ້ານຄົມມະນາຄົມ-ຂົນສົ່ງ ອາຊຽນ ກໍຄື ພາກພື້ນໃນອະນາຄົດມີຄວາມສະດວກສະບາຍຍິ່ງໆຂຶ້ນ.